राम्जाकोट, रुपाटारका लीलाराम पुरी व्यावसायिक बाख्रापालक कृषक हुन्। बाख्रापालन बाहेक उनले कागती, केरा र मेवा खेती पनि गरेका छन्। उनी कागतीबाट चुक बनाएर बिक्री गर्ने गर्दछन्।
कृषक पुरीले वि. सं. २०७० देखि ‘अनुकूलन बाख्रा फार्म’ खोलेर व्यावसायिक बाख्रापालन सुरु गरेका हुन्। उनको बाख्रा फार्ममा अहिले १०० गोटा जति बाख्रा छन्। उनी बाख्राको स्याहार सुसारको लागि रातदिन नभनी खट्ने गरेको सुनाउँछन्। उनका अनुसार, बाख्रापालन गर्दा घाँस, दानापानी खुवाउने समय र तरिका, औषधी उपचार, खोरको व्यवस्थापन तथा सरसफाइ, पाठापाठी र माउहरुको व्यवस्थापन जस्ता धेरै कुराहरूमा ध्यान दिनुपर्ने हुन्छ। उनी आफूले पालेका खसी बोका पोखरा लगेर बिक्री गर्ने गर्दछन्। छरछिमेकमा बस्नेहरू र व्यापारीहरू घरैमा खरिद गर्न आउँछन्। बाख्रापालनबाट उनले वार्षिक ३ लाख रुपैयाँ आम्दानी गर्ने गरेका छन्। उनी खसी बोका बिक्री गर्नको लागि बजारको कुनै समस्या नरहेकाले युवालाई जाँगरिलो हुन सके गाउँमै बाख्रापालन व्यवसाय गरेर राम्रो आम्दानी गर्न सकिने र विदेश जानु नपर्ने बताउँछन्।
कृषक पुरी बाख्राको मल आफ्नो खेतबारीमा उब्जने अन्नबाली र फलफूलको बिरुवामा प्रयोग गर्ने गर्दछन्। उनी कागतीबाट चुक बनाएर वर्षमा करिब ४०,००० रुपैयाँ आम्दानी गर्छन्।
पल्ट्याङमा कोटडाँडा, गढीडाँडा, रानीपोखरी, अजम्बरी कुण्ड, अजम्बरीमाई जस्ता प्राकृतिक, ऐतिहासिक तथा धार्मिक स्थलहरू रहेका छन्। मगर जातिको बाहुल्य रहेको यस वडामा मगर समुदायको मौलिक कला र संस्कृति झल्किने कौराहा, सालैजो, नचौरी जस्ता नृत्य नाच्ने गरिन्छ। गढीडाँडाबाट तनहुँको छिमेकी जिल्लाहरू नवलपुर,…
पल्ट्याङ, बडागाउँ टोलका शिव बहादुर क्षेत्री व्यावसायिक कृषक हुन्। उनले व्यावसायिक तरकारी खेती र पशुपन्छीपालन सुरु गरेको ४ वर्ष भयो। कृषक क्षेत्री भूतपूर्व भारतीय गोर्खा सैनिक हुन्। सैनिक पेसाबाट अवकाश प्राप्त गरेपछि वि. सं. २०७२ मा बडागाउँमा ८ रोपनी जग्गा…
नेपाल एकीकरण पूर्व स-साना राज्यहरूमा विभाजित रहँदाको समयमा मुकुन्द सेनका भतिजा समसेनले राज्य गरेकाले यस ठाउँको नाम कोटदरबार रहन गएको भनाइ छ। संरक्षणको अभावमा हाल दरबारको परिसर मात्र देख्न सकिन्छ र त्यहाँ कल्याणदेवी मन्दिर निर्माण गरिएकोछ।
ज्यामिरेमाई मन्दिर ढुङ्गाडे स्थित ज्यामिरेमाई डाँडामा रहेको छ। धार्मिक आस्थाको रूपमा रहेको उक्त मन्दिरमा बडादसैँको बेलामा फुलपाती भित्र्याइ पूजाआजा गर्ने चलन रहेको छ। ज्यामिरेमाई मन्दिरमा कन्या कुमार केटाहरू पूजारीको रूपमा रहने र यस क्षेत्रका मानिसहरूले पञ्चबली दिने चलन रहिआएको छ।…
दुबुङ्ग प्रशस्त फलफूल उत्पादन हुने क्षेत्र हो। दुबुङ्गको मौरीबास, अर्चल्दी र रिजल्दी टोलमा व्यावसायिक सुन्तला खेती हुन्छ। यस वडामा व्यावसायिक माहुरीपालन, बाख्रापालन र कुखुरापालन पनि गरिन्छ। दुबुङ्गमा दुबुङ्गकोट, अकलादेवी मन्दिर, भिमसेन ढुङ्गा, भालथुम्की डाँडा जस्ता ऐतिहासिक, धार्मिक तथा प्राकृतिक स्थलहरू…
दुबुङ्ग, नाजुङ्ग टोलका माहुरीपालक कृषक पुन बहादुर राना मगरले परम्परागत मुढे घारमा माहुरीपालन गर्दै आइरहेका छन्। उनले माहुरीपालन सुरु गरेको ३५ वर्ष जति भयो। कृषक रानाले पहिले २० घार माहुरी पालेका थिए तर मलसाँप्रो, अरिँगाल, मैनपुतली आदि माहुरीका प्राकृतिक शत्रुहरूले…
नेपालको गण्डक क्षेत्र र आसपास बसोबास गर्ने मगर समुदायमा प्रचलित लोकनृत्यहरू सालैजो, सोरठी, मारुनी, घाटु, झाम्रे (झ्याउरे), ज्यानै, ओहली, नाचन, कौराहा आदि हुन्। यीमध्ये कौराहा सबैभन्दा लोकप्रिय नृत्य हो। तनहुँ जिल्लाको ऋषिङ्ग क्षेत्र मगर समुदायको मौलिक संस्कृति र पहिचान झल्किने…
हाते तान हातले कपडा बुन्न प्रयोग गरिने एउटा परम्परागत यन्त्र हो। सामान्यतया, बुनाईमा धागोको दुई भिन्न सेटहरू-तनोट (ताना वा लम्बाइतिरबाट लाग्ने धागो) र बुनोट (बाना वा चौडाइतिरबाट लाग्ने धागो) समकोण पारेर परस्पर गुथिन्छ। ताना धागोहरू काठको फ्रेम वा तानमा समानान्तर…
काहुँशिवपुर, गराङ्गदी टोलका कृषक शेर बहादुर तारु थापा व्यावसायिक फलफूल खेती गर्छन्। उनले आफ्नो १० रोपनी जग्गामा सुन्तला, कागती र एभोकाडो रोपेका छन्। वि.सं. २०५५ देखि फलफूल खेती सुरु गरेका कृषक थापाको बगैँचामा सुन्तला १५० बोट, कागती २०० बोट र…