संक्षिप्त परिचय

अर्खलछाप टोलकी पवित्रा थापा मगरले बाल्यकालदेखि नै आमाबाट सिकेको तान बुन्ने परम्परागत सीपलाई निरन्तरता दिइरहेकी छिन्। उनी पोखरा, दमौली, हङकङ, युकेबाट माग भए अनुसार आफ्नो घरमा रहेको हाते तानबाट पछ्यौरी, कछाड, भांग्रा आदि बुन्ने गर्दछिन्। उनले मगर समाज, खैरेनीका महिला दिदीबहिनीहरूलाई तान बुन्ने तालिम पनि दिइसकेकी छिन्। 

मगर जातिको मौलिक कला र संस्कृति जगेर्ना गर्न तान बुनाईको ठूलो भूमिका रहेको देखिन्छ। स्थानीय महिलाहरूलाई परम्परागत सीप र प्रविधिमा आधारित तान बुन्ने तालिम प्रदान गर्न सकेमा उनीहरू स्वरोजगार हुने सम्भावना देखिन्छ।महिलाहरूलाई तान बुन्ने तालिम प्रदान गरी व्यवसायीकरण गर्न सकेमा उनीहरू स्वरोजगार हुने सम्भावना देखिन्छ। कलामा आधारित यस व्यवसायले परम्परागत सीप र स्थानीय प्रविधिको संरक्षण र संवर्द्धनमा सहयोग पुर्‍याउनुको साथै तिनको हस्तान्तरणमा समेत योगदान पुर्‍याउनेछ।    

बजारमा मेसिनबाट उत्पादन भएको कपडाको मूल्य घरेलु तानबाट बुनिएको कपडाभन्दा सस्तोमा पाइनु, हाटबजार नहुनु जस्ता चुनौती एवं समस्याहरू यस वडामा रहेका छन्।